Miemut kana 1 Muharam

Assalamu’alaikum. Wr. Wb.

Alhamdulillahhi rabbil’alamin wabihi nasta’inu ala umuri dunnya waddin wa ala alihi washabihi ajma’in

Rabbis rahli sadri wayashirli amri wahlul uhdatan billisani yafqohu qouli amma ba’du

Bapak dosen anu dipikahormat ku sim kuring oge rerencangan sadayana anu sami_sami dipikahormat ku sim kuring

Alhamdulillah wasyukurilah dina danget ieu urang sadayana tiasa kempel ngariung teu aya sanes urang sadayana miemut kana 1 Muharam. Shalawat sinareng salam mugia dicurahkeun ka junjungan urang sadaya Habi Bana Wa Nabi Yana Muhammad saw, ka para sohabatna, ka kulawargina oge teu hilap ka urang sadayana nu anut ka anjeun-Na mugia di pasihan safa’at di Yaumul Kiamah. Amin Ya Rabbal Alamin.

Langkung ti payun sim kuring nyuhunkeun di hapunteun ka rerencangan sadayana, sim kuring ngadeg di payun sanes wae gaduh ka tiasa. Mung ieu mah sakadar pancen ti bapa dosen kedah ngadugikeun biantara.

Bapa dosen oge rerencangan anu dipikahormat ku sim kuring kaleresan pisan sakedap deui kaping 1 Muharam. Umat islam sadayana di dunia ieu pasti miemut kana dinten Muharaman dina satiap taunna.

Biasana dina acara Muharaman ieu sok digelar rupi-rupi kagiatan atanapi lomba anu ngandung pendidikan. Diantawisna sapertos lomba cerdas cermat, sinopsis,  kasenian atanapi kosidah, kaligrafi sareng sajabana. Sim kuring ngabahas dina ieu kasempatan teh, teu aya sanes kanggo ngarojong ka urang sadayana supados tiasa ngamangfaatkeun dinten Muharam ieu di anggo kagiatan anu ngandung pendidikan. Boh bae dilaksanakeun di sakola atanapi di kampung masing-masing.

Margi, ku zaman ayeuna mah kagiatan mahasiswa teh sok bilih dianggo ku nu teu pararuguh. Sapertos demo, urak-urakan sareng sajabana. Urang salaku mahasiswa mendingan ngamangfaatkeun kana kagiatan anu tiasa ngajantenkeun nambih kaimanan, sareng katakwaan ka Gusti Allah SWT. Nyaeta teu aya sanes sapertos ngayakeun kagiatan atanapi lomba-lomba anu ngandung pendidikan, anu tadi parantos didugikeun.

Salian ti kagiatan atanapi lomba-lomba eta, urang oge tiasa wae ngayakeun kagiatan kaagamaan kamasyarakatan. Diantawisna sapertos ngabersihan masjid, atanapi jalan sareng nu sanesna anu sifatna gotong royong sasarengan, nu tiasa ngaraketkeun silaturahmi.

Mung sakitu biantara ti sim kuring.

         Seueur kakirang eta mah sifat manusa, anging Gusti Allah anu leres salawasna.

Ushikum wanafshi bitaqwallah

Wassalamu’alaikum. Wr. Wb.